आता ऐका 'स्टोरीटेल ओरिजनल'चे नवे ऑडिओबुक ‘अंधाराच्या हाका’ अभिनेता सुव्रत जोशीच्या आवाजात!
'स्टोरीटेल मराठी'ने खास आपल्या रसिकांसाठी उत्कंठा आणि रहस्य चाळविणाऱ्या "अंधाराच्या हाका" या 'स्टोरीटेल ओरीजनल' ऑडीओबुकची निर्मिती केली आहे. या ऑडिओबुकद्वारे मराठी श्राव्यरसिकांना आकर्षित करण्यासाठी नवा ‘सुपर हिरो’ येणार आहे. "अंधाराच्या हाका" नावाप्रमाणेच रसिकांचे कुतूहल चालविणारे असून ‘स्टोरीटेल’वर हे ऑडिओबुक चाहत्यांची उत्कंठा वाढविण्यासोबतच त्यांना गहन आणि थरारक अनुभूती देणार आहे. अष्टपैलू युवा अभिनेता सुव्रत जोशीच्या सहजसुंदर श्राव्यभिनायातून आणि लेखक संवेद गळेगावकर यांच्या मांडणीतून ‘अंधाराच्या हाका’ मधील नायक अगस्त्य मुझुमदार सुष्ट आणि दुष्ट शक्तींना गुंगारा देत त्यांचा कसा सामना करतो हे ऐकणे रंजक ठरणार आहे.
"अंधाराच्या हाका" या अत्यंत वेगळ्या ऑडिओ बुकचे लेखक संवेद गळेगावकर म्हणतात.. "हे माझं तिसरं पुस्तक स्टोरीटेलवर आलंय. या निमित्तानं जन्म आणि मृत्यु यांच्या दरम्यान अडकलेल्या विदेहींशी संवाद साधु शकणारा एक नवा नायक, अगस्त्य मुझुमदार, श्रोत्यांसमोर येत आहे. ऎन मध्यरात्री उमटणाऱ्या अमानविय आकृत्या, पडक्या वाड्यातून ऎकू येणारी कुजबुज, पावलांची उरफाटी सरसर यांचे रंगतदार किस्से न ऎकलेला माणूस विरळाच. अज्ञाताची भिती माणसाला कायमच आकर्षित करत आलेली आहे. आपल्या गुढकथा, भयकथांमधून रत्नाकर मतकरी, नारायण धारप ते थेट आताच्या हृषिकेश गुप्ते यांनी हे काहीसं काळं- करडं जग चांगलंच रंगवलेलं आहे. “अंधाराच्या हाकां”च्या निमित्तानं अगस्त्य मुझुमदारपण आता या जगात पाऊल टाकत आहे. निव्वळ सुष्ट आणि दुष्ट शक्तींचा सामना अश्या टेम्ल्पेटाईज्ड कथांपलीकडे जाऊन अगदी विदेही पात्रांच्याही भावभावना मांडणं हा या कथांमधला आव्हानात्मक भाग. मायभुलीचे जाळे मधली मातृभावनेनं पछाडलेली विदेही असो किंवा भला बुरा है मधला निर्घृणतेच्या टोकाशी पोचलेला बुर्रा असो, "अंधाराच्या हाका"मधला हरैक विदेही पात्रात तुम्हाला मानवी स्वभावाच्या छटा सापडतील आणि हेच त्यांचं वेगळेपण आहे."
ऑडीओबुक माध्यमात नॅरेटर फार महत्वाची भुमिका बजावतो. गूढकथा लेखनात संवेद गळेगावकर यांनी आपली छाप सोडली आहे. त्यांच्या 'माया महा ठगनी'साठी लीना भागवत आणि आता "अंधाराच्या हाका"साठी सुव्रत जोशीसारखे रंगमंचावरचे कसलेले कलाकार लाभल्याने त्यांच्या या ऑडिओबुक्सना स्टोरीटेलवर विशेष लोकप्रियता मिळाली आहे. "अंधाराच्या हाका" साठी सुव्रतनं प्रत्येक टप्प्यावरचा अगस्त्य कमाल उभा केलाच आहे पण तुम्हाला मनापासून घाबरायचं असेल तर रात्रीच्या अंधारात सुव्रतनं उभे केलेले 'विदेही' एकट्यानं ऎकून बघाच असा सल्ला लेखक संवेद गळेगावकर यांनी त्यांच्या चाहत्यांना दिला आहे.
आपल्या सर्वांच्या लाडक्या अभिनेता सुव्रत जोशीनं दिलेले आव्हान स्वीकारून, अमावास्येच्या रात्री, मिट्ट अंधारात हे ऑडीओबुक ऐकण्यासाठी स्टोरीटेल सिलेक्टची दरमहा वर्गणी रू. १४९/- तर वार्षिक वर्गणी सवलतीत रू.९९९/- आहे. पण आता नव्याने वार्षिक वर्गणी भरणा-यांसाठी स्टोरीटेलने अधिक सवलत जाहिर केली आहे आणि फक्त रू.३९९/- वार्षिक वर्गणी भरून कोणत्याही भारतीय भाषेतील हजारो ऑडिओबुक्स सभासद वर्षभर ऐकू शकतात. स्टोरीटेलवर ११ प्रादेशिक भाषांमधील अमर्यादित ऑडिओबुक्सच्या माध्यमातून 'साहित्यश्रवणानंद' घेता येईल.
अभिनेता सुव्रत जोशीच्या आवाजातील आणि संवेद गळेगावकर लिखित ' अंधाराच्या हाका'चे ऑडिओबुक स्टोरीटेलवर ऐकण्यासाठील लिंक
https://www.storytel.com/in/
No comments:
Post a Comment