‘अग्गंबाई सासूबाई’ मालिकेच्या टीमला मिस करतोय - आशुतोष पत्की
लॉकडाऊनमध्ये मालिकांचं चित्रीकरण बंद असल्यामुळे सर्व कलाकार देखील घरीच राहून आपला वेळ घालवत आहेत. ‘अग्गंबाई सासूबाई’ या मालिकेमुळे घराघरात बबडय़ा म्हणजेच सोहम या व्यक्तिरेखेची चर्चा असून, या व्यक्तिरेखेमुळे अभिनेता आशुतोष पत्की याचा एक मोठा चाहता वर्ग निर्माण झाला आहे. बबडय़ा म्हणजेच आशुतोष त्याचा वेळ घरी कसा घालवतो याबद्दल आशुतोष सोबत साधलेला हा खास संवाद
१. ३ मे पर्यंत लॉकडाऊन वाढवलं आहे हे ऐकल्यावर तुझी प्रतिक्रिया काय होती?
- कोरोनाचा प्रादुर्भाव होऊ नये म्हणून लॉकडाऊन हा सरकारने आपल्या सेफ्टीसाठी घेतलेला निर्णय आहे आणि तो योग्य आहे. त्यामुळे आपण घरी राहून त्यांना सहकार्य करायला पाहिजे.
२. तू या मोकळ्या वेळेत काय करतोस?
- मी घरी माझा वेळ माझ्या घरच्यांसोबत घालवतोय. या मोकळय़ा वेळात मी अनेक गोष्टी शिकायचा प्रयत्न करतोय. सध्या मी कूकिंग शिकतोय. वेगवेगळय़ा रेसिपीज मी ट्राय करतोय. घरच्यांना त्यांच्या कामात मदत करतोय, स्वत:च्या हेल्थकडे लक्ष देतोय.
३. तुझं शेड्युल काय आहे सध्या?
- या मोकळ्या वेळेत आपण अनेक छान वेब सिरीज किंवा चित्रपट बघू शकतो. मी रोज रात्री झोपण्यापूर्वी एक चित्रपट बघतो. हे माझं क्वारंटाईनचं शेडय़ुल बनलंय.
४. तू ‘अग्गंबाई सासूबाई’ मालिकेच्या टीमला किती मिस करतोय?
‘अग्गंबाई सासूबाई’ मालिकेची संपूर्ण टीम माझं परिवारच आहे. त्यामुळे मे त्यांना खूप मिस करतोय. सगळे सेटवर माझी खूप काळजी घ्यायचे. निवेदिता ताई माझ्यासाठी खूप छान छान रेसिपीज बनवायच्या. आम्ही सगळे व्हिडीओ कॉलवरून टचमध्ये आहोत. दिवसातून १३ ते १५ तास आम्ही शूटिंग करायचो पण आता या सुट्टीमुळे सगळे निवांत आहेत.
५. तू आता सगळ्यात जास्त काय मिस करतोय?
- मी ट्रॅव्हलिंग मिस करतोय. जर मला इतकी मोठी सुट्टी मिळाली असती तर मी नक्कीच फॉरेन ट्रिपला गेलो असतो. पण आताच्या परिस्थितीत आपण कुठेच बाहेर जाऊ शकत नाही आहोत म्हणूनच मी ट्रॅव्हलिंग मिस करतोय.
