‘सूर नवा ध्यास नवाच्या’ मंच्यावर होणार नूतन वर्षाचे जल्लोषात स्वागत ! कलर्स मराठी कुटुंबातील लाडके कलाकार होणार सहभागी...

मुंबई २७ डिसेंबर, २०१९ : नूतन वर्षाची चाहूल आपल्या सगळ्यांनाच डिसेंबरच्या पहिल्या दिवसापासूनच लागते...नवीन वर्षाचे स्वागत करण्याची वेळ आता जवळ येऊन ठेपली आहे... सरत्या वर्षाने आपल्याला काय काय दिले ?  आपल्या वर्षभराच्या वाटचालीवर आपण एक नजर टाकतो... डिसेंबर महिना सुरू होताच आपल्याला नव्या वर्षाचे वेध लागलेले असतात... सूर नवा ध्यास नवा कार्यक्रमामध्ये देखील नवीन वर्षाचे धुमधडाक्यात स्वागत होणार आहे... आणि या विशेष भागामध्ये सूरवीरांना साथ मिळणार आहे  कलर्स मराठीवरील लोकप्रिय मालिकांमधील कलाकारांची... म्हणजेच गाण्यांसोबत धमाल – मस्ती होणारच... बाळूमामाच्या नावाने चांगभलं आणि राजा रानीची गं जोडी मालिकेतील कलाकार या विशेष भागामध्ये  सहभागी होणार आहेत... गाण्यांच्या सुरेल मैफिल बरोबरच आपल्या लाडक्या मॉनिटरची म्हणजेच हर्षद नायबळची शाळा देखील भरणार आहे... तेंव्हा नक्की बघा सूर नवा ध्यास नवा हा विशेष भाग पुढच्या आठवड्यामध्ये सोम – बुध  रात्री ९.३० वा. आपल्या कलर्स मराठीवर.

सूर नवा... मध्ये सुरवीरांनी एकापेक्षा एक गाणी सादर करून सगळ्यांची माने जिंकलीच पण राजा रानीची गं जोडी मालिकेमधील अजित ढाले पाटील यांची भूमिका साकारणार्‍या अजय पूरकर तसेच मिनाक्षी राठोड यांनी देखील सुंदर गाणी सादर केली. स्पृहा आणि हर्षद यांच्या धम्माल मस्तीने भागा अजूनच रंगतदार होणार आहे यात शंका नाही, इतकेच नसून हर्षद अमिताभ बच्चन यांच्या डॉन चित्रपटातील खइके पान बनारस वाला हे गाणे सादर करणार आहे आणि या गाण्यासाठी त्याने खास तसाच लुक देखील केला आहे आणि त्यामध्ये खूपच गोड दिसतो आहे. तेंव्हा नक्की बघा सूर नवा ध्यास नवा हा विशेष भाग पुढच्या आठवड्यामध्ये सोम – बुध  रात्री ९.३० वा. आपल्या कलर्स मराठीवर.