महाराष्ट्राचे आराध्यदैवत छत्रपती शिवाजी महाराजांचा इतिहास ‘फत्तेशिकस्त’ चित्रपटाद्द्वारे जनसामान्यांपर्यंत पोहचवित चित्रपटाच्या टीमने आपली यशस्वी वाटचाल ६ व्या आठवड्यातही सुरु ठेवली आहे. चित्रपटाचे यश साजरे करीत असताना आपल्याला पाठिंबा देणाऱ्या प्रसारमाध्यमांच्या प्रती कृतज्ञता व्यक्त करण्यासाठी ‘फत्तेशिकस्त’ चित्रपटाच्या टीमने एका विशेष कार्यक्रमाचे आयोजन केले होते. या कार्यक्रमात चित्रपटाच्या प्रसिद्धीसाठी, तो जास्तीत जास्त लोकांपर्यंत पोहचविण्यासाठी प्रसारमाध्यमांनी केलेल्या अमूल्य सहकार्याची दखल घेत ‘फत्तेशिकस्त’ टीमने उपस्थित माध्यम प्रतिनिधींचा पुष्पगुच्छ आणि भेटवस्तू देत सन्मान केला.
मराठेशाहीच्या इतिहासातील अनेक अस्पर्श पैलू दाखविण्याच्या लेखक-दिग्दर्शक दिग्पाल लांजेकर यांच्या प्रयत्नांचे कौतुक करतानाच मराठीत ऐतिहासिक चित्रपटाचा ट्रेंड दिग्दर्शक दिग्पाल लांजेकरने आणल्याचे मत माध्यम प्रतिनिधींनी यावेळी व्यक्त केले. इतिहासातलं एक सुंदर पान उलगडण्याचा प्रयत्न आम्ही केला आणि त्यात प्रसार माध्यमांनी सिंहाचा वाटा उचलला ही आमच्यासाठी आनंदाची आणि अभिमानाची बाब असल्याचे ‘आलमंड क्रिएशन्स’चे निर्माते अजय आरेकर यांनी सांगितले.
No comments:
Post a Comment