नवी मुंबई, २५ नोव्हेंबर २०२४: मधुमेहामध्ये रक्ताभिसरणातील अडथळे, नसांचे नुकसान आणि तब्येतीत सुधारणा होण्याची क्षमता कमी झाल्यामुळे पायांमध्ये मोठी गुंतागुंत होऊ शकते. जखमांचे रूपांतर अल्सर व संसर्गात होऊ शकते, हे अल्सर आणि संसर्ग बरे होण्यात अनेक अडचणी येतात किंवा ते बरे होतच नाहीत. वेळच्या वेळी विशेष काळजी घेतली गेली नाही तर पावलांना झालेली छोटीशी दुखापत देखील गंभीर संसर्ग आणि गुंतागुंत निर्माण करू शकते, संसर्ग झाल्यामुळे काही केसेसमध्ये पाय कापावा देखील लागू शकतो. हे करणे टाळण्यासाठी कोकिलाबेन धीरूभाई अंबानी हॉस्पिटल नवी मुंबईने एक अत्याधुनिक डायबेटिक फूट क्लिनिक सुरु केले आहे, याठिकाणी मधुमेही रुग्णांना सुयोग्य देखभाल पुरवली जाते. नोव्हेंबर महिन्यात राष्ट्रीय मधुमेह महिन्याचे औचित्य साधून या क्लिनिकचे उदघाटन करण्यात आले.
भारतात दर चौथ्या व्यक्तीला मधुमेह आहे, मधुमेह असलेल्या जवळपास १२ ते २५% लोकांना डायबेटिक फूट अल्सर होण्याची शक्यता असते. डायबेटिक फूट असलेल्यांपैकी जवळपास १५ ते १८% व्यक्ती आपले पाय गमावतात. योग्य उपचारांविषयी जागरूकतेची कमतरता हे पाय काढावा लागण्याचे एक प्रमुख कारण आहे. याचे प्रमाण लक्षणीय वेगाने वाढत आहे.
डायबेटिक फूट क्लिनिक हे अशा प्रकारचे पहिलेच क्लिनिक आहे. याठिकाणी प्रतिबंधात्मक देखभाल पुरवली जाईल, डायबेटिक फूट समस्यांशी संबंधित धोक्यांचे व्यवस्थापन आणि ते धोके कमी करण्यासाठीच्या प्रगत उपचार धोरणांसह आजार लवकरात लवकर लक्षात यावा यासाठी मदत केली जाईल. एन्डोक्रिनॉलॉजिस्ट, न्यूरोलॉजिस्ट, डायबेटिक फूट स्पेशालिस्ट आणि जखमेची देखभाल करणारे तज्ञ एकमेकांच्या समन्वयाने व्यक्तिगत देखभाल योजना पुरवतील. या व्यक्तिगत देखभाल योजना प्रत्येक रुग्णाच्या गरजांनुसार तयार केलेल्या असतील, त्यामुळे गंभीर गुंतागुंत होण्याचा धोका कमी केला जाईल आणि रुग्णाला सर्व आवश्यक हालचाली व्यवस्थित करता याव्यात, उत्तम आयुष्य जगता यावे यासाठी साहाय्य पुरवले जाईल.
डायबेटिक फूट क्लिनिकमधील सर्वसमावेशक सेवांमध्ये प्रगत कम्प्युटराइज्ड फूट तपासणीचा समावेश असेल, त्यासाठी पेडोपोडोग्राम, बायोथेसिओमेट्री,आणि डॉपलर स्टडीज यासारखी उपकरणे वापरली जातील. दाब कमी करण्यासाठी आणि दुखापत टाळण्यासाठी कस्टमाइज्ड फूटवेयर सेवा उपलब्ध करवून दिल्या जातील. जखमांचे तज्ञांकडून मूल्यांकन आणि व्यवस्थापन यामुळे पायांच्या जखमा, अल्सर बरे होण्यात मदत होईल, त्यासाठी अत्याधुनिक ड्रेसिंग उपायांचा उपयोग केला जाईल.
गंभीर केसेससाठी या क्लिनिकमध्ये बायपास सर्जरी, लेग व्हेसल बलून अँजिओप्लास्टी, स्टेन्टिंग, लेजर सर्जरी, अल्ट्रासाउंड-गाईडेड फोम स्केलरॉथेरपी, रेडिओफ्रिक्वेन्सी अब्लेशन आणि स्किन कव्हरसह अल्सर शेविंग यासारख्या सर्जिकल व इंटरव्हेन्शनल उपाययोजना वापरल्या जातील. रक्ताभिसरण पुन्हा सुरु करणे आणि जखम बरी होण्यास अनुकूल परिस्थिती निर्माण करणे हा या प्रक्रियांचा उद्देश असतो. रुग्णाला आवश्यक हालचाली नीट करता याव्यात यासाठी अँप्युटी सपोर्ट पुरवला जाईल, त्यासाठी आवश्यक सल्ला आणि प्रॉस्थेटिक लिम्ब फिटिंग पुरवले जाईल.
डायबेटिक फूट क्लिनिक दर गुरुवारी दुपारी १ ते २ वाजेपर्यंत सुरु राहील. हॉस्पिटलशी संपर्क साधून अपॉईंटमेंट बुक करता येईल.
No comments:
Post a Comment