भूत म्हंटल्यावर सगळ्यांच्या अंगावर काटा येतो पण झी टॉकीजवर येत्या रविवारी काही अशी भुतं येणार आहेत जी प्रेक्षकांचं मनोरंजन करतील. रविवार २६ एप्रिल रोजी टॉकीज प्रिमियर लीगमध्ये आलटून पालटून हा टॉकीज ओरिजनल हॉरर कॉमेडी चित्रपट प्रसारित होणार आहे. यात पहिल्यांदाच सर्वांचे आवडते कलाकार भाऊ कदम आणि अशोक सराफ हे २ भावांची भूमिका साकारणार असून यात १ किंवा २ नाही तर चक्क ४ भुतांची टोळी आहे. भाऊ कदम आणि अशोक सराफ हे जे घर विकत घेतात त्या घरात ४ भुतांचा वावर आहे आणि या भुतांची भूमिका साकारणार आहेत सुनील तावडे, किशोरी आंबिये, संदीप पथक आणि स्मिता शेवाळे. आता हि भुतं या दोन भावंडाना किती त्रास देतात आणि त्यांची भंबेरी कशी उडवतात हे प्रेक्षकांना चित्रपटात पाहायला मिळेल.
कोरोनाच्या संकटामुळे आपल्या सर्वांनाच घरात बसावं लागत आहे. याचं काळात प्रेक्षकांचं निखळ मनोरंजन व्हावं या साठी सुरु असलेल्या टॉकीज प्रिमियर लीग मध्ये "आलटून पालटून" या चित्रपटाचा आस्वाद घायला काहिच हरकत नाही. तर पाहायला विसरुनका येत्या रविवारी म्हणजेच २६ एप्रिल २०२० रोजी आलटून पालटून दुपारी १२ आणि संध्याकाळी ६ वाजता फक्त आपल्या झी टॉकीज व
