Zee Yuva | Dr.Don | डॉक्टर डॉनने पत्रकारांना घडवली क्रूझची सफर

डॉक्टर डॉनची प्रेस कॉन्फरन्स झाली क्रूझ वर!!

नवनव्या संकल्पना असणाऱ्या दर्जेदार मालिका प्रेक्षकांसाठी घेऊन येणारी मराठी वाहिनी 'झी युवा', प्रेक्षकांची सर्वाधिक लाडकी वाहिनी आहे. उत्तमोत्तम मालिकांच्या बरोबरीनेच अनेक उत्कृष्ट कार्यक्रम सुद्धा 'झी युवा'च्या माध्यमातून पाहायला मिळतात. झी युवा वाहिनीवर दिनांक १२ फेब्रुवारी पासून एक नवीन धमाकेदार विनोदी मालिका सुरु झाली. झी युवा वाहिनीने या मालिकेची पत्रकार परिषद वर्ल्ड क्लास लग्झरी क्रूझ जलेश वर आयोजित केली होती.

एक इंटरनॅशनल डॉन काही कारणांमुळे एका मेडिकल कॉलेजला ऍडमिशन घेतो आणि तिथे त्याला भेटते त्याची देखणी डार्लिंग डीन आणि मग कॉलेजच्या प्रांगणातच सर्व मेडिकल विद्यार्थ्यांसमोर सुरु होते कधीही न पाहिलेली आणि ऐकलेली एक जबरदस्त लव्हस्टोरी. इंटरनॅशनल डॉन ची भूमिका करतोय अभिनेता देवदत्त नागे, डार्लिंग डीनची भूमिका करतेय अभिनेत्री श्वेता शिंदे, डीनची स्वॅगवाली आईच्या भूमिकेत आहेत लोकप्रिय जेष्ठ अभिनेत्री रोहिणी हट्टंगडी. हे सर्व या प्रेस कॉन्फरन्स ला उपस्थित होते. या प्रेस कॉन्फेरंसची सुरुवात पत्रकारांसाठी थोडीसी धक्कादायक होती कारण जलेश क्रूझ वर आल्या आल्या सर्वच पत्रकारांना हतकड्या घालण्यात आल्या. त्यामुळे एकच कल्ला झाला. पण नंतर समजलं की हा वेलकम टू प्रेस कॉन्फरन्सचा ऍक्ट होता. या ऍक्टसाठी सर्व पत्रकारांना हातात हतकडी घालून वरती डेक वर नेण्यात आले. तिथे इंटरनॅशल डॉन  म्हणजेच  देवदत्त नागे सर्वांची वाट पाहत उभा होता. देवाने त्याच्या स्टाईल मध्ये स्वतःचा परिचय सर्व पत्रकारांना दिला. प्रेस  कॉन्फरन्स दरम्यान देवाने लग्झरी इंरनॅशल जलेश क्रूझची सफर सुद्धा पत्रकारांना घडवली. देवा म्हणजेच देवदत्त नागे, त्याची डार्लिंग डीन अभिनेत्री श्वेता शिंदे आणि स्वॅगवली आई रोहिणी हट्टंगडी यांच्या सोबत पत्रकारांनी मनमुराद गप्पा मारल्या आणि या सुंदर क्रूझची सफर केली. प्रेस कॉन्फरन्स च्या ऍक्टचा आणि क्रूझ वरील फ्रेश वातावरणाचा कलाकारांसह पत्रकारांनीही आनंद घेतला.