सायली संजीव आणि ऋषि सक्सेना यांचा जीव झाला पुन्हा ‘लाजीरा’; रेड बल्ब स्टुडियोझची नवी इनिंग
OR
रेड बल्ब म्युझिक प्रस्तुत ‘लाजीरा’ गाण्यात दिसणार महाराष्ट्राची फेव्हरेट जोडी सायली संजीव आणि ऋषि सक्सेना
आवड आणि पॅशन म्हणून आपण सर्वजण 'म्युझिक इज लाईफ' असे अनेकदा म्हणतो. म्युझिक कोणत्याही प्रकारचे असो त्या मागील भावना ही नेहमीच स्पेशल असते. साऊथ आणि मराठी इंडस्ट्रीमध्ये अनेक सिनेमांचे डिस्ट्रीब्युशन आणि मराठी सिनेमाची निर्मिती केल्यानंतर रेड बल्ब स्टुडियोझ् या फिल्म प्रॉडक्शन कंपनीने प्रेक्षकांना म्युझिकल ट्रिट देण्यासाठी ‘रेड बल्ब म्युझिक’ हे म्युझिक लेबल नुकतेच लॉन्च केले आहे.
या म्युझिक लेबल अंतर्गत आपल्याला अनेक नवीन गाणी लवकरच अनुभवायला मिळणार आहेत. विशेष म्हणजे आता संपूर्ण टीमच्या गेल्या कित्येक महिन्यांच्या मेहनतीचं आज चीज होणार आहे, कारण या म्युझिक लेबलचं पहिलं गाणं ‘लाजीरा’ आजपासून प्रेक्षकांच्या भेटीस आले आहे.
‘काहे दिया परदेस’ या मालिकेत शिव आणि गौरी यांची भूमिका साकारणारी जोडी ऋषि सक्सेना आणि सायली संजीव ही संपूर्ण महाराष्ट्राची फेव्हरेट जोडी बनली होती आणि अजूनही त्यांच्या जोडीची चर्चा सोशल मिडीयावर होतच असते. आता या चर्चेत आणखी भर पडणार असून प्रेमाची नव्याने चाहूल लागणार, जीव होणार लाजीरा कारण या गोड, नटखट आणि प्रेमळ जोडीवर आधारित रेड बल्ब म्युझिकचे ‘लाजीरा’ हे लव्ह साँग प्रदर्शित झाले आहे.
सायली संजीव आणि ऋषि सक्सेना यांचा नवीन लूक, गाण्याच्या माध्यमातून दाखवली जाणारी त्यांची नवी गोष्ट यांच्यासह या गाण्याचे सुंदर बोल, मधुर संगीत देखील प्रेक्षकांच्या पसंतीस पडेल याची खात्री वाटते. विपुल घंगाळे यांनी लिहिलेल्या ‘लाजीरा’ गाण्याला केवल वाळंज आणि विकास विश्वकर्मा यांनी संगीत दिले आहे. तर केवल वाळंज आणि स्नेहा महाडिक यांनी गाण्याला आवाज दिला आहे. या गाण्याची कोरिओग्राफी मिस्टी भावर यांनी केली आहे तर अमोल गोळे हे डीओपी आहेत. डिजीटेक्नो एंटरप्रायझेसचे साईनाथ विश्वनाथ राजाध्यक्ष यांनी निर्मिती केली असून फिल्मी आऊल स्टुडियोझ यांनी प्रॉडक्शन पाहिले आहे.
‘लाजीरा’ गाण्याने ‘रेड बल्ब म्युझिक’चा श्रीगणेशा झालेला आहे.आणि आता त्यांची आणखी नवीन गाणी प्रेक्षकांना लवकरच ऐकायला, पाहायला मिळतील.
No comments:
Post a Comment