लॉकडाऊनमध्ये घरी बसून सगळेच कंटाळले आहेत. पण, हा कंटाळा दूर करण्यासाठी अनेकांनी पर्याय निवडलाय, तो छंद जोपासण्याचा! तुम्ही सुद्धा, घरबसल्या तुमचं टॅलेंट आजमावत असाल, तर 'झी युवा' वाहिनी तुमच्यासाठी, एक सुवर्णसंधी घेऊन आली आहे. 'झी युवा' वाहिनीवरील, 'लाव रे तो विडिओ' हा नवा कोरा टॅलेंट शो, तुमचे आगळे कौशल्य जगासमोर आणण्यासाठी तुम्हाला मदत करेल. तुमच्यातील खास टॅलेंटचा २ ते ३ मिनिटांचा विडिओ तुम्ही वाहिनीला पाठवायचा आहे. अर्थात, हा विडिओ आणि तुमचं टॅलेंट हा एक अतरंगी आयटम असायला हवा. तुमचं टॅलेंट जर मनोरंजन करण्यात यशस्वी होणार असेल, तर 'झी युवा'च्या माध्यमातून संपूर्ण महाराष्ट्र म्हणेल, 'लाव रे तो विडिओ'!!!
हा कोराकरकरीत शो, मनोरंजनाच्या सर्व सीमा पार करेल. कॉमेडी, डान्स, मिमिक्री अशा अनेक टॅलेंटचा या कार्यक्रमात समावेश असेल. सर्वांचीच हसून हसून पुरेवाट होईल. कधी हास्याची लकेर तर कधी फुल्ल ऑन एंटरटेन्मेंटचा कल्ला पाहायला मिळेल. 'लाव रे तो विडिओ' म्हणत, 'झी युवा' हा मजेदार कार्यक्रम सगळ्यांसाठी घेऊन येत आहे. सोशल डिस्टसिंग पाळून, अख्ख्या महाराष्ट्राला महाराष्ट्राचे मनोरंजन करण्यासाठी 'झी युवा' वाहिनी सज्ज आहे. कार्यक्रमाचा सूत्रसंचालक, हे आणखी एक मोठे सरप्राइझ असणार आहे. तेव्हा, तुम्ही सुद्धा तुमचं टॅलेंट घेऊन सज्ज व्हा, आणि म्हणा 'लाव रे तो विडिओ'!!!!
No comments:
Post a Comment