डॉक्टर डॉनच्या सेटवर बनलं बोंबलाचं कालवण...
चित्रपट असो किंवा मालिका, जेव्हा शुटिंग सुरु होतं तेव्हा सेटवर या कलाकारांचे एक दुसरं कुटुंब बनून जातं. दिवसातले जास्तीत जास्त तास हे कलाकार एकत्र घालवतात त्यामुळे या कलाकारांमध्ये एक भावनिक नातं बनणं स्वाभाविक आहे. झी युवावरची सध्याची चर्चित मालिका डॉक्टर डॉन आणि यातले कलाकार हे असंच एक सुंदर कुटुंब बनलंय. शुटिंग झालं की सेटवर नवनवीन धमाल मस्ती करायची हा या कलाकाराचा नित्यनेहमीचा कार्यक्रम.
नुकतंच या कलाकारांनी मिळून सेटवरच चक्क बोंबलाचं कालवण बनवलं. ते बनवतानाचा त्यांचा धमाल मस्तीचा व्हिडिओ सोशल मिडियावर सध्या व्हायरल झालाय. कबीर, देवा आणि राधा यांच्यासोबत इतर कलाकारही यामध्ये सहभागी आहेत. शुटिंगचे तास संपल्यानंतर जेव्हा या कलाकारांना कडाक्याची भूक लागली तेव्हा त्यांनी हे कालवण बनवलं. ते बनवतानाचा हा धमाल व्हिडिओ सोशल मीडियावर पहाताना तुम्हालाही जोरदार भूक लागेल.
Here is the link - https://www.instagram.com/tv/
No comments:
Post a Comment