या मालिकेतील नायिका म्हणते " आमची मालिका पाहू नका "

प्रेम पॉयजन पंगा ही मालिका झी युवावर हल्लीच सुरु झाली . या मालिकेत एका इच्छाधारी नागीण आणि एक सामान्य मनुष्य यांच्यात घडणारी एक वेगळी पण मजेशीर अशी प्रेम कहाणी दाखवली आहे . ही मालिका सोमवार ते शनिवार रोज रात्री ८:३० वाजता दाखवली जाते.सध्या टीव्ही वाहिन्यांवर आपली मालिका कशी वेगळी आणि उत्तम हे दाखवण्यासाठी अनेक प्रयत्न केले जातात . प्रत्येक कलाकार हा स्वतःची मालिका वेगवेगळ्या  प्रकारे कशी उत्तम आहे हे सांगत असतो . मात्र प्रेम पॉयजन पंगा या मालिकेतील नायिका जुई म्हणते , " तुम्हाला आणि तुमच्या कुटुंबाला मनापासून हसवणाऱ्या मालिका पाहायच्या नसतील तर आमची मालिका पाहू नका "

आपल्याला आयुष्यात एक गुरु असतो जो आपल्याला अनेक गोष्टी शिकवत असतो. मात्र असाही एक गुरू आपल्या सगळ्यांना लाभलेला आहे. जो सर्वव्यापी आहे. एकाच वेळी लक्षावधी-कोटय़वधी लोकांना  शहाणं किंवा वेडं  करून सोडण्याचं विलक्षण सामथ्र्य त्याच्या ठायी आहे. तो नसला तर आपल्याला जेवण जात नाही, आपली मुलं-बाळं या गुरूचा डोस नाही मिळाला तर कासावीस होतात. अश्या या गुरूच नाव आहे टेलिव्हिजन . या टीव्ही ने प्रत्येक कुटुंबाला , कुटुंबातील महिलेला , आजी आजोबाना , युवा ला मंत्रमुग्ध करून ठेवले आहे . महिलेला मालिकांमध्ये सुरु असलेली गोष्ट त्यांच्या घरातली वाटते , युवा वर्गाला त्या मालिकेतील हिरो आणि हिरोईन स्वतःचे वाटतात. निवृत्त आणि ज्येष्ठ नागरिकांच्या आयुष्यातली पोकळी ह्या मालिका आणि टीव्ही बऱ्यापैकी भरून काढतो. वेगवेगळे विषय , वेगवगेळ्या मालिका घेऊन विविध वाहिन्या या टेलिव्हिजन च्या मार्गे प्रत्येक कुटुंबाच्या आयुष्यात प्रवेश करतात आणि त्यांच्या मधील एक होऊन जातात . अशीच प्रेक्षकांमध्ये एकरूप होऊन गेलेली वाहिनी म्हणजे झी युवा आणि त्यावरील मालिका . प्रेम पॉयजन पंगा या मालिकेत एवढी धमाल आणि मस्ती आहे की प्रेक्षकांना हसता भुई थोडी होईल. कोणत्याही प्रकारचं कट कारस्थान , निगेटिव्हिटी , रडणं न ठेवता केवळ अस्सल मनोरंजन देण्यासाठी झी युवा एक वेगळा प्रयत्न करत आहे . मालिकेत करण बेंद्रे हा आलाप हे पात्र करत असून तो एक सामान्य मनुष्य आहे तर शरयू सोनावणे ही जुई चे पात्र  करत असून इच्छाधारी नागीण ची भूमिका करत आहे .

त्यामुळे एक इच्छाधारी नागीण आणि एका सामान्य मनुष्य यांच्या आयुष्यात घडणाऱ्या  मजेशीर घटना आणि या मजेशीर घटनांसोबत या दोघांचे प्रेम अशा थोड्या वेगळ्या धाटणीच्या आणि फ्रेश मालिका पहायच्या असतील तरंच आमची मालिका पहा,  असे या मालिकेची  नागीण  जुई म्हणजेच नायिका  शरयू सोनावणे चे म्हणणे आहे