सूर नवा ध्यास नवा बालदिन विशेष ! मॉनिटरची शाळा पुन्हा भरणार, थोडी मस्ती थोडा कल्ला पुन्हा होणार …

 

मुंबई ९ नोव्हेंबर, २०१९ : कलर्स मराठीवरील सूर नवा ध्यास नवा कार्यक्रम सुर झाल्यापासून सुरवीर सादर करत असलेली गाण्यांना प्रेक्षकांच्या विशेष पंसतीस पडत आहेत... प्रेक्षकांना आतुरता आहे हे जाणून घेण्याची त्यांचा लाडका मॉनिटर, त्याची धम्माल मस्ती पुन्हा एकदा कधी बघायला मिळेल... सूर नवा ध्यास नवा – स्वप्न सुरांचे स्वप्न सार्‍यांचे कार्यक्रमाच्या बालदिन विशेष भागानिमित्त मॉनिटर म्हणजेच हर्षद नायबळ पुन्हा एकदा सूर नवाच्या मंचावर येणार आहे... मॉनिटर सोबतच अंशिका, चैतन्य, सई हे छोटे सुरवीर देखील येणार आहेत... मंचावर थोडी मस्ती, थोडी कल्ला पुन्हा होणार आहे, स्पृहा आणि मॉनिटरची धम्माल मस्ती बघायला मिळणार आहे... तेंव्हा नक्की बघा सूर नवा ध्यास नवा – स्वप्न सुरांचे स्वप्न सार्‍यांचे बालदिन विशेष भाग आपल्या लाडक्या मॉनिटर आणि छोटे सुरवीर यांच्यासोबत येत्या आठवड्यामध्ये सोम ते बुध रात्री ९.३० वा. आपल्या कलर्स मराठीवर.

आपल्या सगळ्यांचा लाडका मॉनिटर आता शाळेमध्ये जायला लागला आहे... त्यामुळे त्याचे शाळेतले काही किस्से मस्ती आपल्याला सांगणार आहे तसेच मॉनिटर बम बम बोले हे देखील गाणे सादर करणार आहे... आपल्या सगळ्यांच्याच बालपणीच्या काही आठवणी आहेत ज्या आपण विसरलो नाहीये... महेश काळे आणि अवधूत गुप्ते अश्याच काही आठवणी सांगणार आहेत... बालदिनानिमित्त आलेले छोटे सुरवीर त्यांची काही गाणी सादर करणार आहेत...