मराठी सिनेमा म्हटलं, की सिनेमागृह, प्राईम टाइम या शब्दांच्या बरोबरीने आठवते, ती म्हणजे 'झी टॉकीज' ही मराठी चित्रपट वाहिनी!! प्रेक्षकांची ही अत्यंत लाडकी अशी वाहिनी, दर्जेदार मराठी चित्रपटांची मेजवानी नेहमीच घेऊन येते. संपूर्ण जगभरातील मंडळी कोरोना व्हायरसच्या संकटाचा सामना करत आहेत. या स्थितीत सार्वजनिक ठिकाणी गर्दी होऊ नये म्हणून सिनेमागृहदेखील बंद करण्यात आली आहेत. सामाजिक भान राखणे गरजेचे आहे. महाराष्ट्रातील मंडळी याची काळजी घेत आहेत. अशा परिस्थितीमध्ये प्रेक्षकांना हवे असणारे मनोरंजन 'झी टॉकीज' ही वाहिनी घेऊन येत आहे. गुढी पाडव्याच्या निमित्ताने, एव्हरग्रीन मराठी चित्रपटांचा खजिना 'झी टॉकीज'वर असणार आहे. 'झपाटलेला' हे चित्रपट 'झी टॉकीज' वाहिनीवर पाहायला मिळणार आहेत. आजच्या काळात सुद्धा हे चित्रपट हसवून हसवून लोटपोट करतात. या दोन चित्रपटांच्या बरोबरीने 'नशीबवान' हा आणखी एक उत्कृष्ट चित्रपट प्रेक्षकांना पाहायला मिळेल. अति लोभ केल्यामुळे काय परिस्थिती उद्भवू शकते हे या चित्रपटातून शिकायला मिळते. भाऊ कदमच्या उत्तम अभिनयाची झलक सुद्धा या सिनेमात पाहायला मिळेल. आजही प्रेक्षकांचे भरपूर मनोरंजन करणारा, 'अशी ही बनवाबनवी' हा एव्हरग्रीन मराठी चित्रपट पाहण्याची संधी सुद्धा मिळणार आहे. सचिन पिळगावकरांचे दिग्दर्शन, लक्ष्या आणि अशोक सराफ यांचा दर्जेदार अभिनय, आणि विनोदाचा महापूर अशी या चित्रपटाची भट्टी जमून आली आहे. अनेक वर्षे लोटली, तरी आजही या चित्रपटाची जादू कमी झालेली नाही. हीच जादू पुन्हा एकदा अनुभवायला मिळणार आहे. ही बनवाबनवी करून झाली, की दादा कोंडके 'झी टॉकीज'वर अवतरणार आहेत, ते 'पळवापळवी' घेऊन. दादांच्या विनोदी ढंगाची मजा अनुभवण्याची ही संधी सुद्धा प्रेक्षक दवडणार नाहीत. या धमाकेदार दिवसाचा शेवट होईल, तो 'ट्रिपल सीट' या सिनेमाने! चॉकलेट हिरो अंकुश चौधरी याची या सिनेमात उडणारी तारांबळ पाहताना भरपूर मनोरंजन होते. कोरोनापासून बचावाकरिता घरी थांबणाऱ्या प्रेक्षकांसाठी, पाडव्याच्या मुहूर्तावर मनोरंजनाचा धमाका 'झी टॉकीज' घेऊन येणार आहे.
No comments:
Post a Comment