'पिट्याभाई'ची मुलगी त्याच्याहून सवाई!!
/
'लाव रे तो व्हिडिओ'मध्ये पहा पिट्याभाई, म्हणजेच रमेश परदेशी यांचा व्हिडिओ!!!
आपल्या लाडक्या 'झी युवा' वाहिनीवर नुकताच, 'लाव रे तो व्हिडिओ' हा नवा कार्यक्रम सुरु झाला आहे. प्रेक्षकांना, त्यांची कला सादर करण्यासाठी एक मोठा मंच 'झी युवा'ने निर्माण करुन दिला आहे. सर्वांचे मनोरंजन करणारे, खास विनोदी विडिओ पाठवण्याची संधी उपलब्ध झाली, आणि चित्रपटात काम करणाऱ्या कलाकार मंडळींना सुद्धा मोह आवरला नाही. 'मुळशी पॅटर्न' या सिनेमातील पिट्याभाई, म्हणजेच रमेश परदेशी यांनी सुद्धा कन्येसह एक खास व्हिडिओ बनवून या कार्यक्रमासाठी पाठवला. 'बाप से बेटा' सवाई असं म्हटलं जातं, ते रमेश परदेशी यांच्या मुलीच्या बाबतीत तंतोतंत खरं ठरलेलं या विडिओमध्ये पाहायला मिळतंय. रमेशजी पुस्तक वाचत बसलेत आणि त्यांच्या मुलीला तिची आई दूध आणायला सांगते, असं व्हिडिओच्या सुरुवातीला पाहायला मिळतं. यावेळी, तिला एक मुलगा फोन करून त्रास देतोय, असं ती तिच्या वडिलांना भासवते. हे ऐकल्यानंतर, रमेशजी स्वतःच दूध आणायला जायचं ठरवतात. थोड्यावेळाने, भाजी आणण्याच्या वेळी सुद्धा असंच काहीसं घडतं. 'शक्कल लढवून वडिलांना खाली पाठवण्याचं कारण, म्हणजे तिचा आळस आहे, की अजून काही?' हाच त्या व्हिडिओमधील खरा ट्विस्ट आहे. सगळ्यांचे भरभरून मनोरंजन करणाऱ्या या कार्यक्रमासाठी, व्हिडिओ पाठवण्याचा मोह रमेश परदेशी यांना सुद्धा आवरता आला नाही. असा हा अप्रतिम, विनोदी कार्यक्रम पाहायला विसरू नका, आपल्या लाडक्या 'झी युवा' वाहिनीवर!!!
No comments:
Post a Comment