झी टॉकीज अशा प्रकारे करणार श्रावण मासाचे स्वागत
पवित्र मानल्या जाणाऱ्या श्रावण महिन्याचे लवकरच आगमन होणार असून सर्वजण या मंगलमय महिन्याच्या स्वागतासाठी सज्ज आहेत. या महिन्याभरात व्रत वैकल्य, सणांची रेलचेल यांच्यामुळे वातावरण प्रसन्न राहते. हि व्रत वैकल्य करणाऱ्या सर्व स्त्रियांसोबत झी टॉकीज देखील या महिन्याचे स्वागत अगदी जोरदार करणार आहे.
झी टॉकीज या तमाम महिला प्रेक्षक वर्गासाठी श्रावण महिन्याच्या पहिल्याच दिवशी काही खास चित्रपट सादर करणार आहे. स्त्री एक अशी शक्ती आहे जिची अनेक रूपं आहेत. जी माया करते आणि प्रसंगी कठोर देखील बनते. ती घडवते पण वाईट गोष्टींचा विनाश देखील करण्याची हिम्मत ठेवते. स्वच्छ आणि स्वात्विक मनाचेच प्रतिबिंब असलेल्या स्त्रिया ज्यांच्यामध्ये स्वतःच नशीब घडवण्याची ताकद आणि हिम्मत आहे त्यांना सलाम करत झी टॉकीज श्रावण महिन्याच्या पहिल्याच दिवशी सत्वपरीक्षा, जय अठराभुजा सप्तशृंगी माता, हळद तुझी कुंकू माझे, फॉरेनची पाटलीन आणि माहेरची साडी हे चित्रपट सादर करणार आहे. सकाळी ९ वाजल्या पासून हे खास सादरीकरण झी टॉकीजवर होईल.
No comments:
Post a Comment