आपल्या सगळ्यांची लाडकी मालिका, 'प्रेम पॉयजन पंगा' या मालिकेचे चित्रीकरण पुन्हा सुरु झाले आहे. आजदेखील आपला सगळ्यांचा कोरोनाशी लढा सुरु आहे. या काळात, मनोरंजन करण्यासाठी आणि नवी उमेद देण्यासाठी आता आपली लाडकी, 'झी युवा' वाहिनी सज्ज झाली आहे. त्यामुळेच 'प्रेम पॉयजन पंगा' या मालिकेच्या सेटवर आता लगबग सुरू झालेली दिसते आहे. अर्थात, चित्रीकरण करत असताना, सर्व नियमांचे काटेकोरपणे पालन करण्यात येत आहे. कोरोनाचा संसर्ग होऊ नये याची पूर्ण काळजी घेऊन, या महामारीच्या काळात भरपूर मनोरंजन करण्यासाठी 'प्रेम पॉयजन पंगा' ही मालिका आता वाहिनीवर पुन्हा बघता येईल. रोज रात्री ८.३० वाजता ही मालिका पाहण्यासाठी आता आपल्याला सुद्धा सज्ज व्हायचा आहे.
मालिकेचे चित्रीकरण पुन्हा सुरु करण्याविषयी बोलताना, मालिकेचे निर्माते आदिनाथ कोठारे म्हणाले, "तुमच्या लाडक्या 'प्रेम पॉयजन पंगा' या मालिकेचे चित्रीकरण आता सुरु झाले आहे. ही मालिका, रात्री ८.३० वाजता 'झी युवा' वाहिनीवर पुन्हा एकदा सुरु होते आहे. कोविड-१९साठी घालून दिलेल्या सर्व नियमांचे आम्ही काटेकोरपणे पालन करत आहोत. केवळ ३३ टक्के युनिटच्या उपस्थितीत काम सुरु करण्यात आले आहे. सेटवर उपस्थित असलेली मंडळी सामाजिक अंतराचे नियम पाळत आहेत. क्रूला पीपीइ किट्स देण्यात आले आहेत. सेटवर प्रवेश करण्याआधी सॅनिटायझर्सचा वापर करणे बंधनकारक असून आरोग्यसेवा देण्यासाठी सेटवर एक टीम चोवीस तास उपस्थित असते. चित्रीकरण करत असताना कुठलाही नियम मोडणार नाही, याची संपूर्ण काळजी घेण्यात येतेय. राज्यशासन, सांस्कृतिक मंत्रालय यांच्यामुळे आज चित्रीकरण सुरु करण्याची परवानगी मिळाली आहे. आदेश बांदेकर, नितीन वैद्य, सुबोध भावे आणि अमोल कोल्हे यांचे मी मनापासून आभार मानतो. त्यांच्या प्रयत्नांमुळे आज मराठी मनोरंजन विश्वात चित्रीकरण करण्याची परवानगी मिळाली आहे. तुमची ही लाडकी मालिका, 'झी युवा' वाहिनीवर पाहायला विसरू नका."
No comments:
Post a Comment