रामदास आठवले यांच्या कविता ऐकण्यासाठी लाव रे तो व्हिडिओ
आपल्या सगळ्यांचे लाडके सूत्रसंचालक डॉ. निलेश साबळे, हे आता 'झी युवा' वाहिनीवर सुद्धा दिसत आहेत. 'लाव रे तो व्हिडीओ' हा एक आगळावेगळा, जबरदस्त कार्यक्रम ते घेऊन आले. प्रेक्षकच प्रेक्षकांचे मनोरंजन करत असलेला हा कार्यक्रम सर्वांनाच खूप आवडतोय. 'लाव रे तो व्हिडीओ' हा एक आगळावेगळा, जबरदस्त कार्यक्रम झी युवा वाहिनी प्रेक्षकांच्या भेटीस घेऊन आली. या कार्यक्रमामुळे अनेकांना घरातूनच आपले कौशल्य सादर करण्यासाठी उत्तम व्यासपीठ मिळाले, त्यामुळे प्रेक्षकांसोबतच कलाकारांचा देखील हा कार्यक्रम आवडता झाला आहे. या आठवड्यात प्रेक्षकांना सुप्रसिद्ध व्यक्तींचे व्हिडीओज पाहायला मिळणार आहेत.
‘करोना गो, गो करोना गो’ हे कोण म्हणालं होतं असं कुणालाही सांगण्याची गरज नाही. हा व्हिडीओ संबंध महाराष्ट्रात तुफानासारखा पसरला आणि केंद्रीय सामाजिक न्याय राज्यमंत्री रामदास आठवले गो करोना गो म्हणताच देशभरात प्रसिद्ध झाले. आठवलेंना छोट्या आणि खुमासदार कविता करण्याचा छंदच आहे. शीघ्रकवी असलेल्या रामदास आठवले यांच्या लॉकडाऊन मध्ये केलेल्या कविता आता प्रेक्षकांना ऐकण्याची संधी मिळणार आहे. या कविता रामदास आठवले झी युवावरील लाव रे तो व्हिडिओ या कार्यक्रमात सादर करणार आहेत. त्यांच्या या लॉकडाऊन मधल्या कविता प्रेक्षकांचं किती मनोरंजन करणार हे बघण्यासाठी पाहायला विसरून नका लाव रे तो व्हिडिओ हा कार्यक्रम फक्त झी युवावर.
No comments:
Post a Comment