Zee Talkies | Television Premier | Naal

नागराज मंजुळे या दिग्दर्शकाच्या चित्रपटांची जादू प्रेक्षकांवर आजही कायम आहे. याचं ताजं उदाहरण म्हणजे ‘नाळ’ हा सिनेमा. हा सिनेमा नागराजने दिग्दर्शित केलेला नसला तरीही त्यावर नागराजची छाप दिसून येते.

विदर्भातील एका छोट्याशा गावात घडणारी हि गोष्ट आहे. चैत्या(श्रीनिवास पोकळे) या लहान मुलाच्या भावविश्वावर आधारलेला हा सिनेमा आहे. त्याचे वडिल (नागराज मंजुळे), आई(देविका दफ्तरदार) यांच्या सोबत तो गावात राहत असतो. गावातल्या लहान पोरांचं आयुष्य असतं तस चैत्याचं रोजचं जगणं असतं. खेळणं, हुंदडणं, फिरणं, शाळेला जाणं यात तो रमलेला असतो. अचानक एक दिवस गावाकडून त्याचा मामा(ओम भुतकर) त्याला भेटायला येतो आणि त्याच्याकडुन चैत्याला आपण दत्तक घेतलेलो आहोत ते समजते.

आपले आई-वडिल दुसरेच कोणीतरी आहेत हे समजल्यानंतर चैत्याची प्रतिक्रिया काय असेल? तो त्याच्या खऱ्या आई-वडिलांकडे जाईल का? हे जाणून घेण्यासाठी पाहायला विसरू नका नाळ चित्रपट रविवार १३ ऑक्टोबर दुपारी १२ वाजता आणि ६ वाजता फक्त आपल्या झी टॉकीजवर.