'झी युवा' ही वाहिनी निरनिराळ्या धाटणीच्या मालिका प्रेक्षकांसाठी नेहमीच घेऊन येते. तीन वर्षांहून अधिक काळ, आपली ही खासियत जपणारी वाहिनी, प्रेक्षकांच्या अत्यंत आवडीची झालेली आहे. आपल्यासाठी 'झी युवा' कोणती नवीन मेजवानी घेऊन येणार, याची चाहते उत्सुकतेने वाट पाहत असतात. अशीच एक खुमासदार आणि भन्नाट प्रेमकहाणी लवकरच सर्वांच्या भेटीला येणार आहे. 'प्रेम पॉयजन पंगा' या नव्या मालिकेचा प्रोमो, वाहिनीवर प्रेक्षकांना बघायला मिळत आहे. ऑक्टोबरमध्ये सुरु होणार असलेल्या या मालिकेची जोरदार चर्चा या निराळ्या प्रोमोमुळे सुरु झालेली आहे.
घरातील एसी बंद असल्याने, फ्रिजमध्ये बसून असलेली एक तरुण मुलगी या प्रोमोमध्ये पाहायला मिळते आहे. तिचं तिच्या बॉयफ्रेंड बद्दलच स्वगत ऐकून, या नव्या मालिकेविषयीचे औत्सुक्य लगेच वाढते आहे. निळ्या रंगात चमकणारे, त्या तरुणीचे डोळे पाहून, या मालिकेविषयी आणखी जाणून घेण्याची इच्छा प्रेक्षकांच्या मनात घर करून आहे. म्हणूनच, पुढील प्रोमोची प्रेक्षक आतुरतेने वाट पाहत आहेत. 'चमकणाऱ्या निळ्या डोळ्यांचं कोडं, यापुढील प्रोमोमधून सुटणार का?', हा प्रश्न सध्या प्रेक्षकांना पडलेला आहे.
ही मालिका आजवरच्या मराठी मालिकांपेक्षा खूपच वेगळी आहे. या मालिकेची संकल्पना संपूर्णपणे नवी आणि आकर्षक असल्याचे, प्रोमोमधून लक्षात येत आहे. अशा प्रकारची एक निराळी प्रेमकहाणी, पहिल्यांदाच मराठी वाहिनीवर प्रेक्षकांना पाहायला मिळणार आहे. प्रोमो पाहूनच प्रेक्षकांची उत्सुकता वाढलेली असल्याने, ही नवीकोरी, जबरदस्त मालिका रसिकांसाठी पेश करण्याची आतुरता आता वाहिनीच्या टीमला सुद्धा वाटत आहे. लवकरच या मालिकेचा दुसरा प्रोमो सुद्धा आपल्या भेटीला येणार आहे. हा प्रोमो या मालिकेविषयीचे प्रेम आणि उत्सुकता आणखी वाढवणार आहे, यात शंकाच नाही. म्हणूनच, 'प्रेम पॉयजन पंगा' या नव्या मालिकेविषयी आणखी जाणून घेण्यासाठी पाहत रहा, 'झी युवा'!!!
No comments:
Post a Comment