'झी टॉकीज' वाहिनीवर कुठल्या सिनेमाचा प्रीमियर होणार, याची प्रेक्षक आतुरतेने वाट पाहत असतात. उत्साही प्रेक्षकांचा रसभंग होणार नाही याची काळजी नेहमीच ही वाहिनी घेत असते. येत्या रविवारी म्हणजेच, १५ सप्टेंबर रोजी अशाच एक उत्कृष्ट सिनेमाचा 'वर्ल्ड टेलिव्हिजन प्रीमियर' झी टॉकीजवर रंगणार आहे. मराठी चित्रपटांच्या या सर्वोत्तम वाहिनीवर दुपारी १२ आणि संध्याकाळी ६ वाजता 'सौ. शशी देवधर' हा चित्रपट प्रेक्षकांना बघायला मिळेल. आपल्या विखुरलेल्या आयुष्याची जुळवाजुळव करण्याचा प्रयत्न करणाऱ्या एका स्त्रीची ही कहाणी आहे.
महाराष्ट्राची लाडकी अभिनेत्री सई ताम्हणकर, अजिंक्य देव आणि तुषार दळवी यांच्या या चित्रपटात मुख्य भूमिका आहेत. अजिंक्य वर्तक (अजिंक्य देव) यांच्या कारमुळे अपघात झाल्यावर स्वतःची ओळख विसरलेल्या शुभदाची ही कहाणी अमोल शेटगे यांनी दिग्दर्शित केली आहे. या कठीण प्रसंगात पोलिसांच्या मदतीने ती कशी वाट काढते याभोवती संपूर्ण कथानक फिरते. अपघाताच्या आघातातून शुद्धीत आल्यावर शशी देवधर (तुषार दळवी) आपले पती असल्याचं शुभदा सांगते. पण, तिने सांगितलेल्या पत्त्यावर पोचल्यावर पोलिसांना असं लक्षात येतं, की तिच्या कुटुंबीयांपैकी कुणीही तिथे राहत नाही. खचून गेलेल्या आणि निराधार झालेल्या शुभदाला अजिंक्य आपल्या घरी घेऊन जायचा निर्णय घेतो. या साऱ्या गोष्टी घडत असतानाच, दुसरीच एक व्यक्ती आपण शुभदाचे पती असल्याचे सांगत पोलिसांना येऊन भेटते. तिचे खरे नाव शुभदा नसून नीलिमा आहे, हे सर्वांना कळल्यावर सुरु होतो तो पुढचा प्रवास! स्वतः मानसोपचार तज्ज्ञ असलेले डॉ. अजिंक्य वर्तक या परिस्थितीत तिच्यावर उपचार करायचा निर्णय घेतात.
अर्थात, तिचे हे आजारपण खरे आहे का? ती नक्की शुभदा आहे की नीलिमा? या सगळ्यात तिचा काही कट तर नाही ना? यात उल्लेखित शशी देवधर नक्की कोण आहेत? हे सर्व जाणून घेण्यासाठी येत्या रविवारी सौ. शशी देवधर हा सिनेमा पाहावा लागेल. तेव्हा पाहायला विसरू नका, एका रोमांचक चित्रपटाचा वर्ल्ड टेलिव्हिजन प्रीमियर, १५ सप्टेंबर रोजी दुपारी १२ आणि संध्याकाळी ६ वाजता, फक्त आपल्या लाडक्या 'झी टॉकीज' वर!!!
No comments:
Post a Comment